BA Taal en Kultuur

 Die BA (Taal en Kultuur) program is ’n algemene program in die Fakulteit Lettere en Sosiale Wetenskappe. Die program stel studente in staat om uit ’n wye reeks vakke te kies. Die program berei jou voor vir taal en kultuurverwante beroepe soos in die onderwys, die uitgewers en die boekbedryf, joernalistiek en die media, die diplomatieke diens, toerisme, die vertaalbedryf, en die musiek en teaterwêreld. Moontlike loopbaangeleenthede sluit in: taalpraktisyn, onderwyser, uitgewer, bibliotekaris, redakteur, kopieskrywer, inhoudskepper, joernalis, sielkundige, vertaler, en tolk.